اعذروني

اعذروني فاض همي واشتكى قلبي وناح
اعذروني لاتلوموني بياض الشيب لاح
عقب خلان الشدايد عطرهم بالمسك فاح
عقب مازانت ليالى وارتوينا بالجراح
ياطيور الوقت نوحى لاتغني بارتياح
ضاقت الدنيا ومالى فى مغانيها مراح
غير ساحات المعارك مالقى قلبي انشراح
اعذروني يارفاقه يوم فاضت بي هموم
اعذروني لاتلومواضاق صدرى بالغموم
من يلوم اللي غريق فى بحوره مايعوم
من يلوم اللى كسيرغيرت حاله سقوم
اه يادنيا العجايب كم تساقينا سموم
طير طاير وش علامك فى السماء دايم تحوم
طيرطاير مرحبا بك كان صدرك علوم
اعذروني يارفاقه عقب شديت الرحال
اعذروني لاتلوموا سال دمع العين سال
سالت العبرات مني فى كنين الهم جال
ما على الدنيا حسوفه عقب ميدان القتال
ماعلى الدنيا حسوفه ياصناديد الرجال
سعد من نال الشهادة ومن نعيم الخير نال
فى جنان الخلد داره يكرمه رب الجلال
فى جنان الخلد يسرح مع رفيقات الدلال
لوتمنى ماتمنى من نعيم الخلد طال
سعد من نال الشهادة سعد من وفى ونال

اليوم عبدك بيـن أياديـك يامعيـن

قهر الرجال و فوقه الفقـر و الديـن
أعوذ بك يـا خالـق الكـون منهـا
منهـا تعـوذ قبـل جـد الحسينيـن
ودعا دعـاه ولاذ بـك مـن فتنهـا
الهـم ويـا الغـم فيهـا عنـاويـن
والجبـن ويـا البخـل زود حزنهـا
واليوم عبدك بيـن أياديـك يامعيـن
ونفسها لأجل طاعتك قـام وشحنهـا
يبدأ بما أوجب فرضه الحكم ف_الدين
صلـى وزكـى والمعاصـي دفنهـا
وإليا أنقضى من مجمل الليل ثلثيـن
أوتـر لوجهـك سـنـة" مستننـهـا
وخشع لوجهك وأسبلة دمعها العيـن
خوف العـذاب بويـل لا يحتضنهـا
وسبحك ياللي خالق الناس من طيـن
بالحمـد والتعظيـم ذكـرك قرنهـا
وأستغفرك بالتوب عشـرا" وتسعيـن
وسنـة نبـي الله فـلا زاغ عنـهـا
ودعاك يا قابـل صـلاة المصليـن
دعـا تضـرع والأجابـه ضمنهـا
ب_حسن الختام ومسكنـه والنبييـن
بالجنة اللي حظ مـن هـو سكنهـا
فيها من الأصناف رمان مـع تيـن
وأنهار خمـر" والعسـل مـع لبنهـا
ويوم المزيد بشوف وجهك جميليـن
نعمة على نعمـة و نعـرف ثمنهـا
وأسألك ياللي تبـدل العسـر بالليـن
يا مفرج الشـدات قاضـي محنهـا
أنك تكافينـا مـن الفقـر و الديـن
و قهر الرجال وما يجي مـن فتنهـا

تحت التراب احبيــّــب الـروح مدفـون

ياونتي منها ظلوعي حطاما = على عشيرٍ بالهـوى مـات مغبـون
شالوه من دار الحيا للعداما = ومن الحصى وتـراب قامـوا يكبـّــون
من عقب مالفوه بقماش خاما = قاموا على بيض النصايب ينصـّـــون
مات الحبيب ولا لحق له مراما = وبالله ياللي تدفنونه علـى الهـون
حطوا نفق له عن سواد الظلاما = ودي ازوره مثل ناس يـزورون
و أعايده نهار عيد الصيامـا = وأقابلـه وأرضـي عيـون يحنـون
عسي اليا سلمت رد السلاما = وأهل الهـوى والحـب لازم يـردون
إحساسهم يصدق بليا كلامـا = وغرامهـم يبقـى ولوهـم يموتـون
ابي اتطوى عند قبره اعواما = وش عاد لو قال الملاصار مجنـون
شبيه خلي فوق كف النشاما = حر مـن اللـي بالمقانيـص يهـدون
جنسه قليل وغير خلي حراما = لا علهـم عقـب الحبيـب يولـون
من أول أكتم حزين الهياما = واليوم بـاح السـد ياللـي تعذلـون
ويلاه كيف الدود يمحى العظاما = ياكل جسد مضنون عيني وترضون
ارموا بجسمي مع وفي الغراما = هذا العزا ياللـي بموتـه تعـزون
يا راحل لدار الرضى والكراما = قل له عشاشيقك من البعد يبكـون
قل له عيون صويحبك ماتناما = يسهر وخلـق الله بقربـه ينامـون
اما حياة في هنـا والتئامـا = والا ممـات اثنيـن بالعهـد يوفـون
هيض عذابي ناحيات الحماما = ظنـي لهـم خـل بفقـده ينوحـون
حياتنا غطى عليها الغماما = واجد اليا عشنـا مـع اللـي يعيشـون
لا وحسافه غاب بدر التماما = تحت التراب احبيــّــب الـروح مدفـون

اليتيم

تدري وش اللي يجرح القلب جرحين.................ويمد حبـل الحـزن فيـك ويشـده
انك تناظر طفل مـن غيـر ابويـن.....................يمشي ودمعـة سايـل فـوق خـده
منظر صعيب ويقسم القلـب قسميـن.................لا قـام يمسـح دمعـة بكـف يـده
يمشي ولا يدري طريقه علـى ويـن...................لين التعب من كثـر مـا تـاه هـده
اثقل حـروف يشيلهـا فيـة حرفيـن........................لا أب يـدريـبـه ولا أم تـــرده
في خطوته رحلـة ودمعـه وسكيـن.....................وحـظ توسـد بالمراسـي مـخـده
جيت اسألـة بالله قللـي ولـد ميـن..................وبغي يجاوب واختنـق صـوت رده
أنـا يتيـم ومـا لدربـي عنـاويـن......................وجزر الحزن فينـي يسـاوي لمـده
وطعم الطفوله ما عرفته لهـا لحيـن................وثوب السعادة صـرت مانيـب قـده
ابكي إلى من شفت غيـري سعيديـن....................ليـن البكـا فينـي يوصـل لحـده
واقفي ورحت امسح دموعي من العين..............وعيني تناظـر دمعتـه فـوق خـده
وهذا اللي يجـرح القلـب جرحيـن...................ويمد حبل الحـزن غصـب ويشـده

بداية هم

بداية هم تجي و تضم و تجرحني و تتعبني
غريب اوطان اعيش احزان فقدت اشياء تسعدني

غريب صاح بعد ما راح محد يدري و يسمعني
انا يا ليل اعيش الويل و نداء الخلّان يتبعني

فراق الأم يجيب الغم و ذكراها تجالسني
هَناي ابوي و شوف اخوي لهم مشتاق و متعني

فقدت آذان ذكر قرآن بلاد الغرب تشغلني
تركت اصحاب، وطن و تراب طلبت الله يثبتني

وطن منساك تجي ذكراك و دمعاتي تونسني
و ارد الاه تلو الاه و صدى الاهات يذبحني

غريب صاح بعد ما راح محد يدري و يسمعني
انا يا ليل اعيش الويل و نداء الخلان يتبعني